Beeld 50 – 9781776193684

Description

Die afgelope halfeeu het meer as 15 000 uitgawes van Beeld verskyn met derduisende stories in woord en beeld. Regdeur hierdie 50 jaar is ‘n mantra in die redaksie: “Slaan die groot storie hard.” In Beeld 50 vertel die geliefde koerant se joernaliste hoe hulle juis dit gedoen het deur die dekades en wat hulle steeds bybly van daardie ervaring.

Die boek neem die leser op ‘n reis deur van die grootste nuusgebeure sedert 1974 en weerspieel die geskakeerde leefwereld van die Afrikaanse gemeenskap in die noorde van die land. Beeld is die Suid-Afrikaanse dagblad wat al die meeste as die mooiste aangewys is – daarvan getuig die foto’s, voorblaaie, spotprente en grafika op die blaaie. Tog is dit nie ‘n beste-voetjie-voorsit-soort boek nie, want dis in die eerste plek joernaliste wie se stemme jy hier hoor.

Op die ou end is die belangrikste element die leser. Soos Pieter du Toit in 2014 as nuusredakteur gese het: “Ons lojaliteit le by die briefskrywer wat ons kapittel oor ‘n onbesonne hoofberig, die intekenaar wat kla oor sy nat koerant op die grasperk en die leser wat dankie se vir die nuwe Saterdag-Beeld.”