Laaste Leuen, Die

Description

Sophia het weer een van die episodes gehad waar sy eenvoudig wegraak. Asof sy in die put is waarin sy as kind met haar troetelkuiken, Rebecca, geval het. Swart. Niks. Toe sy bykom, vind sy haar man, die popster Max Bladen, met ‘n bloederige wond aan sy kop. Wie het Max reg hier in hul leefkamer aangeval? Dit kan tog nie wees dat sy . . .? Te midde van ‘n mediasirkus, word Sophia gearresteer. En sy sal bitter vinnig ‘n manier moet vind om haar onskuld te bewys – al kan sy niks onthou nie.