IsiZulu Soqobo: Ibanga 4: Incwadi Yokufunda – 9780796054142

Description

Naku okushiwo ikomidi labacwaningi ngale ncwadi: IsiZulu soqobo yizincwadi ezisebenziseka kalula ngenxa yokuhleleka kwazo. Amasu okufundisa asetshenzisiwe azokwenza ukuba abafundi basebenze ngokukhululeka nokuzethemba, kanti izifundo zethulwe kahle kwanikezwa nezincazelo zokufundwayo. Lezi zincwadi zilungele bonke abafundi abasezindaweni zasemadolobheni nalezo ezikude namadolobha. Kulezi zincwadi umsebenzi wethulwe ngokulandela ncamashi imigomo yohlelo lwe-CAPS kuleli zinga eliphakathi kusukela ebangeni lesi-4 kuya kwelesi-6, kanti izihloko ezisetshenzisiwe zizokwenza abafundi bakuthokozele ukufunda ulimi lwesiZulu. Umsebenzi osencwadini yabafundi uhleleke ngendlela ezokwenza kube lula kubafundi ukusebenzisa incwadi yabafundi. Incwadi kathisha ibhalwe ngolimi olwenza kube lula kuthisha ukuyisebenzisa ezimweni ezahlukene ezikoleni. Kukhona amasu okuhlola kanye nezibonelo ezanele ukuba uthisha akwazi ukuhlela umsebenzi wakhe ngempumelelo.