Geel Komplot – 9780624039884

Description

‘n Spitsvondige muisverhaal vir die tussenin-groep (8-11 jaar) vir wie daar so min geskryf word. Benewens die hoofkarakter, Tara Tandmuis, ‘n meisiemuis met ‘n missie, is daar nog Turbotjaart, ‘n jong mannetjiesmuis met ‘n oormaat van energie en selfvertroue; signor Mozzarella Muis, Tara se wereldwyse half-Italiaanse oom; madame Ricotta, die muse van die muisteater; Petite Gervaise, wat haar pad deur ‘n Franse woordeboek gevreet het en nou Frans magtig is; die rekenaarfundi Filippus Gruyere; die ontalige kerkmuis Heilige Stoffel, en nog ‘n hele wemeling van ander kerkmuise, tandmuise, skeerbekmuise, rietmuise en – les bes – seerotte en hawerotte. Om nie eens te praat van die spul skurkagtige katte nie: Dierasie, Bruine Broeder en Swarte Piet, asook die vreesaanjaende Siamese van die MGB!